అప్పుడు ఎన్టీఆర్… ఇప్పుడు ర‌వితేజ…
త‌మిళ అనువాద చిత్రం `బాయ్స్‌`(2003)తో తెలుగువారికి క‌థానాయ‌కుడిగా ప‌రిచ‌య‌మ‌య్యాడు సిద్ధార్థ్. ఆ త‌రువాత `నువ్వొస్తానంటే నేనొద్దాంటానా`, `బొమ్మ‌రిల్లు` వంటి స్ట్ర‌యిట్ ఫిల్మ్స్‌తో ఘ‌న‌విజ‌యాలు అందుకోవ‌డ‌మే కాకుండా… ఇక్క‌డివారికి మ‌రింత చేరువ‌య్యాడు. అయితే, ఆ త‌రువాత ఆశించిన విజ‌యాల‌ను అందుకోలేక‌పోయిన సిద్ధూ… `బాద్‌షా` (2013) త‌రువాత మ‌ళ్ళీ తెలుగులో నేరుగా సినిమా చేయ‌నేలేదు. క‌ట్ చేస్తే… ఆరేళ్ళ త‌రువాత టాలీవుడ్‌లో సిద్ధూ రీ-ఎంట్రీ ఇవ్వ‌బోతున్నాడ‌ని స‌మాచారం. మాస్ మ‌హారాజా ర‌వితేజ క‌థానాయ‌కుడిగా `ఆర్ ఎక్స్ 100` ఫేమ్ అజ‌య్ భూప‌తి రూపొందించ‌నున్న `మ‌హాస‌ముద్రం` సినిమాతో సిద్ధార్థ్ తెలుగునాట మ‌ళ్ళీ అడుగులు వేయ‌బోతున్న‌ట్లు తెలుస్తోంది. అయితే, ఇందులో క‌థానాయ‌కుడిగా కాకుండా ఓ కీల‌క పాత్ర‌లో క‌నిపిస్తాడ‌ట సిద్ధూ. మ‌రి… ఎన్టీఆర్ `బాద్‌షా`లో స్నేహితుడి పాత్ర‌లో అల‌రించిన ఈ యంగ్ హీరో… ఈ సారి ర‌వితేజ‌తో న‌టించ‌బోయే సినిమాతోనూ విజ‌యం అందుకుంటాడేమో చూడాలి.
