బాల‌య్య‌కి జోడీగా మ‌రోసారి?
బాల‌య్య‌కి జోడీగా మ‌రోసారి?
`జై సింహా` వంటి విజ‌య‌వంత‌మైన చిత్రం త‌రువాత న‌ట‌సింహ నంద‌మూరి బాల‌కృష్ణ, ద‌ర్శ‌కుడు కె.య‌స్‌.ర‌వికుమార్ కాంబినేష‌న్‌లో మ‌రో సినిమా రాబోతున్న సంగ‌తి తెలిసిందే. ఇటీవ‌లే పూజా కార్య‌క్ర‌మాలు జ‌రుపుకున్న ఈ సినిమా… త్వ‌ర‌లోనే రెగ్యుల‌ర్ షూటింగ్‌కి వెళ్ళ‌నుంది. యాక్ష‌న్ ఎంట‌ర్‌టైన‌ర్‌గా తెర‌కెక్క‌నున్న ఈ క్రేజీ ప్రాజెక్ట్‌లో బాల‌కృష్ణ ప‌వ‌ర్‌ఫుల్ పోలీస్ ఆఫీస‌ర్‌గా, గ్యాంగ్‌స్ట‌ర్‌గా రెండు ఛాయ‌లున్న పాత్ర‌లో క‌నిపించనున్నారు. కాగా… ఈ సినిమాలో ఇద్ద‌రు క‌థానాయిక‌ల‌కు స్థాన‌ముండ‌గా… మెయిన్ హీరోయిన్‌గా శ్రియ లేదా పాయ‌ల్ రాజ్‌పుత్ న‌టించే అవ‌కాశ‌ముంద‌ని స‌మాచారం. ఇక రెండో క‌థానాయిక‌గా బాలీవుడ్ బ్యూటీ సోనాల్ చౌహాన్ పేరు వినిపిస్తోంది. ఇప్ప‌టికే సోనాల్… బాల‌య్య‌కి జోడీగా `లెజెండ్‌`, `డిక్టేట‌ర్‌` చిత్రాల్లో న‌టించింది. వీటిలో `లెజెండ్‌` ఘ‌న‌విజ‌యం సాధించ‌గా… `డిక్టేట‌ర్‌` యావ‌రేజ్‌గా నిల‌చింది. సోనాల్ ఎంట్రీపై త్వ‌ర‌లోనే క్లారిటీ వ‌చ్చే అవ‌కాశ‌ముంది.
