మ‌హేశ్ – పరశురామ్ చిత్రానికి నిర్మాత ఎవ‌రంటే…?
మ‌హేశ్ – పరశురామ్ చిత్రానికి నిర్మాత ఎవ‌రంటే…?
`గీత గోవిందం`తో సంచ‌ల‌న విజ‌యం అందుకున్న టాలెంటెడ్ డైరెక్టర్ పరశురామ్… త‌న నెక్ట్స్ ప్రాజెక్ట్‌ని మ‌హేశ్ బాబుతో చేయ‌బోతున్నాడ‌ని గ‌త కొంత‌కాలంగా వార్త‌లు వినిపిస్తున్న సంగ‌తి తెలిసిందే. ఇప్ప‌టికే పరశురామ్ చెప్పిన స్క్రిప్ట్‌కి మ‌హేశ్ గ్రీన్ సిగ్న‌ల్ ఇచ్చాడ‌ని… `స‌రిలేరు నీకెవ్వ‌రు` త‌రువాత మ‌హేశ్ చేయ‌బోయే సినిమా ఇదేన‌ని స‌మాచారం. ఇదిలా ఉంటే… ఈ చిత్రాన్ని స‌క్సెస్‌ఫుల్ డైరెక్టర్ కొర‌టాల శివ నిర్మిస్తాడ‌ని వార్త‌లు వినిపిస్తున్నాయి. మ‌హేశ్ కాంబినేష‌న్‌లో `శ్రీ‌మంతుడు`, `భ‌ర‌త్ అనే నేను` చిత్రాల‌ను డైరెక్ట్ చేసి ఘ‌న‌విజ‌యాల‌ను అందుకున్న నేప‌థ్యంలో… నిర్మాత‌గా త‌న తొలి చిత్రాన్ని త‌న‌కు అచ్చొచ్చిన మ‌హేశ్‌తోనే చేయాల‌ని కొర‌టాల శివ భావిస్తున్నాడ‌ట. మ‌హేశ్ – ప‌రుశురామ్ కాంబినేష‌న్ మూవీతో అది కార్య‌రూపం దాల్చ‌నుంద‌ని టాలీవుడ్ టాక్‌. త్వ‌ర‌లోనే ఈ క్రేజీ ప్రాజెక్ట్‌కి సంబంధించిన పూర్తి వివ‌రాలు వెల్ల‌డి కానున్నాయి.
