క్వాటర్ థియేటర్ కి తీసుకెళ్లకండి సినిమా చూసి ఇంటికొచ్చి తాగండి-అజయ్ భూపతి

Rx100 మూవీ ఫేమ్ కార్తికేయ గుమ్మకొండ హీరోగా నటిస్తున్న 90 Ml చిత్రం రిలీజ్ కి సిద్ధంగా ఉంది ఈ సినిమా ప్రీ రిలీజ్ ఈవెంట్ ఘనంగా జరిగింది.ఈ కార్యక్రమంలో అజయ్ భూపతి, సందీప్ కిషన్ ముఖ్య అతిథిలుగా పాల్గొన్నారు.

డైరెక్టర్ అజయ్ భూపతి మాట్లాడుతూ….

కార్తికేయ పవర్ ఏంటో నాకు మాత్రమే తెలుసు,rx100 ట్రైలర్ రిలీజ్ అయినప్పుడు మీ హీరో నా సినిమాకి బాగా సెట్ అవుతాడని శేఖర్ రెడ్డి నాకు కాల్ చేసాడు,వెంటనే కార్తికేయ తో కలిపించి కథ వినిపించగానే చాలా చేద్దాం అని ఫిక్స్ అయ్యారు,
అప్పటినుండి ఇప్పటివరకు అదే మాట మీద ఉన్నారు,అలా చాలా తక్కువ మంది ఉంటారు అని చెప్తూ,డిసెంబర్ 5 రిలీజ్ అయ్యే సినిమా తప్పకుండా చూడండి,క్వాటర్ థియేటర్ కి తీసుకెళ్లకండి సినిమా చూసి ఇంటికొచ్చి తాగండి.

సందీప్ కిషన్ మాట్లాడుతూ….. 
ముందుగా ఈ విషయం మాట్లాడుతున్నందుకు ఏమి అనుకోకండి నిన్న జరిగిన ప్రియాంక రెడ్డి సంఘటన నాకు నిజంగా భయం వేసింది,
ట్విట్టర్ లో ట్విట్ చేయడం తప్ప ఏమీ చేయలేమా అని బాధ పడ్డాను,
ఈ రోజు టీవీ లో
సాద్ నగర్ పోలీస్ స్టేషన్ దగ్గరకి వెళ్లి పోరాడిన వారిని చూసిన వెంటనే గర్వంగా అనిపించింది వాళ్లకు అభినందనలు తెలిపారు.
కార్తికేయ నిజంగా ఒక తమ్ముడు లాంటి వాడు,నేను ఒకవేళ డైరెక్టర్ అయితే కార్తికేయ లాంటి హీరో తో సినిమా చేస్తాను,ప్రస్థానం తర్వాత నాకు ఫస్ట్ టైం కథ చెప్పిన డైరెక్టర్ శేఖర్ రెడ్డి ఆయనకి ఈ సినిమా పెద్ద హిట్ అవ్వాలని కోరుకుంటున్నాను.

రాహుల్ సిప్లిగంజ్ మాట్లాడుతూ….

ఇక్కడికి వచ్చినందుకు చాలా ఆనందంగా ఉంది,అనూప్ సార్ మంచి మ్యూజిక్ ఇచ్చారు,ఒక సింగర్ ఇలా స్టేజ్ పై మాట్లాడతానని ఎప్పుడు అనుకోలేదు,
ఈ సినిమా పెద్ద హిట్ అయి మంచి డబ్బులు రావాలని కోరుకుంటున్నాను.

డైరెక్టర్ శేఖర్ రెడ్డి మాట్లాడుతూ….

నేను ఇక్కడ నిలబడటానికి ముఖ్య కారణం అజయ్ భూపతి, కార్తికేయ ను దగ్గర ఉండి కథను వినిపించేలా చేసాడు,అనూప్ రూబెన్స్ మంచి మ్యూజిక్ ఇచ్చాడు,5 రోజుల్లోనే సాంగ్స్ అన్ని ఇచ్చేసాడు అనూప్.
చంద్రబోస్ గారు ఈ సినిమాకి రంగస్థలం తర్వాత సింగిల్ కార్డ్ లిరిక్స్ రాసారు.డైరెక్షన్ టీమ్ మంచి హెల్ప్ చేసింది.పాటలు హిట్ అయినట్లే సినిమా కూడా మంచి హిట్ అవుతుంది.ఈ కథను కార్తికేయ విన్నప్పటినుండి నేను ఉన్నాను అని మంచి ధైర్యం ఇచ్చారు.

హీరో కార్తికేయ మాట్లాడుతూ…..

ఆడియో ఫంక్షన్ కి వచ్చినట్లు లేదు ఒక ఫామిలీ ఫంక్షన్ కి వచ్చినట్లు ఉంది.మీడియా అందరికి చాలా థాంక్స్ అండి మంచి సపోర్ట్ చేశారు.
ఈ కథ కంటే ముందు వేరే ఫ్యామిలీ కథ చెప్పడానికి వచ్చారు,ఈ కథ చిన్న లైన్ చెప్పేసారికి నాకు బాగా నచ్చి చెప్పమన్నాను ఆయన ఫస్ట్ హాఫ్ మాత్రమే చెప్పారు బాగా నచ్చింది కొన్ని రోజులు తర్వాత కంప్లీట్ కథను విన్న తరువాత నవ్వి నవ్వి కళ్ళలో నుండి నీళ్ళు వచ్చాయి.
ఈ సినిమా విషయంలో ఎన్ని భయాలు ఉన్న శేఖర్ రెడ్డి కోసం ఈ సినిమా హిట్ అవ్వాలి అనుకుంటున్నాను.
12 ఇయర్స్ బ్యాక్ నుంచి ఆయనకు ఛాన్స్ వచ్చి పోయాయి ఇప్పుడు కూడా స్టార్టింగ్ లో చాలా ఇబ్బందులు వచ్చాయి ఇప్పుడు ఫైనల్ గా సెట్ అయింది.
అందరూ మనస్ఫూర్తిగా ఈ సినిమా కోసం కష్టపడ్డారు,
వాళ్లందరూ కష్టపడుతూ ఫైనల్ గా సినిమా హిట్ అయితే కార్తికేయ హిట్ కొట్టాడు అంటారు.
నేను ఏ కేరెక్టర్ చేసిన ఆడియన్స్ బాగా రిసీవ్ చేసుకున్నారు థాంక్యూ,మీ సపోర్ట్ ఎప్పుడు ఇలానే ఉండాలి.
ఈ సినిమా ఆల్కహాల్ సపోర్ట్ చేస్తుందా అని అందరికి డౌట్ ఉంది,అలా ఏమీ ఉండదు అండి, ఈ సినిమా వలన ఆల్కహాల్ తీసుకునే వారు తగ్గుతారు.
హీరోయిన్ నేహా కొన్ని సీన్స్ లో భూమిక లా కనిపిస్తోంది, కొన్ని ఫ్రేమ్స్ లో ఒక్కడు,ఖుషి లో భూమిక లా ఉంటుంది,ఆమె లానే పెద్ద హీరోహిన్ అవ్వాలని కోరుకుంటున్నా మా సినిమా కూడా పెద్ద హిట్ అవ్వాలని కోరుకుంటున్న.