మహేశ్ స్థానంలో విజ‌య్ దేవ‌ర‌కొండ?
మహేశ్ స్థానంలో విజ‌య్ దేవ‌ర‌కొండ?
`ఇస్మార్ట్ శంక‌ర్‌`తో మ‌ళ్ళీ స‌క్సెస్ ట్రాక్‌లోకి వ‌చ్చేశాడు డాషింగ్ డైరెక్ట‌ర్ పూరీ జ‌గ‌న్నాథ్‌. ఈ నేప‌థ్యంలో… పూరి నెక్ట్స్ ప్రాజెక్ట్‌పై స‌ర్వ‌త్రా ఆస‌క్తి నెల‌కొంది. ఇప్ప‌టికే `ఇస్మార్ట్ శంక‌ర్‌`కి సీక్వెల్‌గా `డ‌బుల్ ఇస్మార్ట్` చేయ‌బోతున్న‌ట్లు పూరి ప్ర‌క‌టించినా… అది కార్య‌రూపం దాల్చ‌డానికి మ‌రింత స‌మ‌యం ప‌ట్టే అవ‌కాశ‌ముంద‌ని స‌మాచారం. అయితే, ఈ లోపు త‌న డ్రీమ్ ప్రాజెక్ట్ `జ‌నగ‌ణ‌మ‌న`ని ప‌ట్టాలెక్కించాల‌ని ప్లాన్ చేస్తున్నాడ‌ట పూరి. వాస్త‌వానికి ఈ సినిమాని త‌నకు క‌లిసొచ్చిన క‌థానాయ‌కుడైన సూప‌ర్ స్టార్ మహేశ్ బాబుతో చేయాల‌ని చాలా కాలంగా అనుకుంటున్నాడు పూరి. అయితే, కొన్ని కార‌ణాల వ‌ల్ల ఆ కాంబినేష‌న్ వ‌ర్క‌వుట్ కాక‌పోవ‌డంతో… ఇప్పుడ‌దే సినిమాని యూత్ ఐకాన్ విజ‌య్ దేవ‌ర‌కొండ‌తో చేయాల‌ని భావిస్తున్నాడ‌ట పూరి. త్వ‌ర‌లోనే పూరి – విజ‌య్ దేవ‌ర‌కొండ కాంబినేష‌న్‌పై క్లారిటీ వ‌చ్చే అవ‌కాశ‌ముంది.
