శ్రీమతి దర్శన విక్రమ్‌ జర్దోష్‌, వస్త్ర మంత్రిత్వ శాఖ, రైల్వే  శాఖ సహాయ మంత్రి, భారత ప్రభుత్వము గారు ఈరోజు (ది. 29.12.2022) రాజ్ భవన్ లో తెలంగాణ గవర్నర్ డాక్టర్ (శ్రీమతి) తమిళిసై సౌందరరాజన్ గారితో మర్యాదపూర్వకంగా సమావేశమయినారు.

ఈ సందర్భంగా గవర్నరు గారు రాష్ట్రంలో పలు రైల్వే అభివృద్ధి పనులపై చర్చించారు. అలాగే గవర్నరు గారికి వచ్చిన విజ్ఞప్తులలో… కొమరవెల్లి దేవాలయానికి వచ్చు భక్తులు మరియు చుట్టుప్రక్క ప్రాంత ప్రజల  సౌకర్యార్ధం సిద్ధిపేట జిల్లాలోని కొమరవెల్లి కమాన్ వద్ద రైల్వే హాల్టింగ్ స్టేషన్ ఏర్పాటు, కోవిడ్-19 సమయంలో పెద్దపల్లి జిల్లాలోని కొత్తపల్లి రైల్వేస్టేషన్ లో పలు రైళ్ళ నిలుపుదలను ఆపివేసిన కారణంగా అక్కడి ప్రాంత ప్రజల ఇబ్బందులను దృష్ట్యా వాటిని పునరుద్ధరణ, మరియు హైదరాబాద్ నుండి తంబారం వెళ్ళు చార్మినార్ ఎక్స్ ప్రెస్ ను కన్యాకుమారి వరకు పొడగించాలని కోరిన విజ్ఞప్తులను శ్రీమతి దర్శన విక్రమ్‌ జర్దోష్‌, వస్త్ర మంత్రిత్వ శాఖ, రైల్వే  శాఖ సహాయ మంత్రి, భారత ప్రభుత్వము వారి దృష్టికి తీసుకువెళ్ళగా, వారు సాంకేతిక పరమైన పరిశీలనాంతరం తదుపరి సానుకూల చర్యలు చేపడతామని తెలిపారు.