యువ హీరో సంతోష్ శోభన్, యూవీ కాన్సెప్ట్స్ “కళ్యాణం కమనీయం” టైటిల్ మోషన్
పోస్టర్, ఫస్ట్ లుక్ విడుదల, జనవరి 14న సినిమా విడుదల

యువ హీరో సంతోష్ శోభన్ నటిస్తున్న కొత్త సినిమా “కళ్యాణం కమనీయం”. ఈ
చిత్రంలో కోలీవుడ్ తార ప్రియ భవానీ శంకర్ నాయికగా నటిస్తోంది. ఈ చిత్రంతో
ఆమె టాలీవుడ్ అరంగేట్రం చేస్తోంది. ఈ చిత్రాన్ని యూవీ కాన్సెప్ట్స్ సంస్థ
నిర్మిస్తోంది. పెళ్లి నేపథ్యంతో సాగే ఆహ్లాదకర కథతో నూతన దర్శకుడు అనిల్
కుమార్ ఆళ్ల రూపొందిస్తున్నారు. తాజాగా కళ్యాణం కమనీయం సినిమా టైటిల్
మోషన్ పోస్టర్ తో పాటు ఫస్ట్ లుక్ ను విడుదల చేశారు.

ఈ టైటిల్ మోషన్ పోస్టర్ ఆద్యంతం ఆహ్లాదకరంగా సాగింది. ప్లెజంట్ విజువల్స్
కు అంతే అందమైన బ్యాక్ గ్రౌండ్ మ్యూజిక్ తో ఆకట్టుకుంది. కంటెంట్
ఓరియెంటెడ్ చిత్రాలను నిర్మిస్తూ యువ ప్రతిభావంతులను ప్రోత్సహిస్తున్న
యూవీ కాన్సెప్ట్స్  ఈ చిత్రంతో మరో హోల్ సమ్ ఫ్యామిలీ ఎంటర్ టైనర్ ను
ప్రేక్షకులకు అందించబోతోంది. ప్రస్తుతం పోస్ట్ ప్రొడక్షన్ కార్యక్రమాలు
జరుపుకుంటున్న ఈ సినిమా సంక్రాంతి కానుకగా జనవరి 14న  ప్రేక్షకుల ముందుకు
రానుంది.

ఈ చిత్రానికి సినిమాటోగ్రఫీ – కార్తిక్ ఘట్టమనేని, ఎడిటర్ – సత్య జి,
సంగీతం – శ్రావణ్ భరద్వాజ్, సాహిత్యం – కృష్ణ కాంత్, కొరియోగ్రాఫర్స్ –
యష్, విజయ్ పోలంకి, ఎగ్జిక్యూటివ్ ప్రొడ్యూసర్ – నరసింహ రాజు, ప్రొడక్షన్
డిజైనర్ – రవీందర్, లైన్ ప్రొడ్యూసర్ – శ్రీధర్ రెడ్డి ఆర్, సహ నిర్మాత –
అజయ్ కుమార్ రాజు పి, పీఆర్వో – జీఎస్కే మీడియా, నిర్మాణం – యూవీ
కాన్సెప్ట్స్, రచన దర్శకత్వం – అనిల్ కుమార్ ఆళ్ల.