ఎట్ట‌కేల‌కు భారతీయుడు 2 ..సినిమా రెండ‌వ షెడ్యూలు…
కమలహాసన్ హీరోగా శంకర్ దర్శకత్వంలో రూపొందే ‘భారతీయుడు 2’ చిత్రం ప్రారంభం అయ్యింది..మొద‌టి షెడ్యూలు కొన్ని రోజులు అయ్యాక ఇంత‌వ‌ర‌కూ త‌దుప‌రి షెడ్యూలు షూటింగుకు వెళ్ళ‌లేదు. ఎందుకంటే శంకర్ తీసిన సినిమాలు అన్నీ ఈమ‌ధ్య ఘోరంగా దెబ్బ‌తిన‌డంతో నిర్మాత‌లు భ‌య‌ప‌డ్డ‌ట్టున్నారు. దీంతో భారీ బడ్జెట్టు వ‌ర్క‌వుట్ అవ‌డంలేద‌నే వాద‌న ఒక‌టి, క‌మ‌ల్‌తో బిజినెస్ అంత‌గా లేద‌నే వాద‌న మ‌రోటి…ఇలా తొలి షెడ్యూల్ తర్వాత బాగా గ్యాప్ వచ్చిన సంగతి తెలిసిందే. దర్శకుడుకి, నిర్మాణ సంస్థ లైకా ప్రొడక్షన్స్ వారికి బడ్జెట్టు విషయంలో అభిప్రాయభేదాలు రావడంతో ఇది ఆగిపోయిందంటూ వార్తలొచ్చాయి. ఇటీవల వీరు కూర్చుని మాట్లాడుకున్నారని, పరిమితమైన బడ్జెట్టులో పూర్తి చేయడానికి దర్శకుడు అంగీకరించాడనీ, ఆగస్టు నుంచి షూటింగ్ తిరిగి మొదలవుతుందని తాజా సమాచారం
