చిరు కొరటాల స్టార్ట్ యాక్ష‌న్‌…!
చిరు కొరటాల స్టార్ట్ యాక్ష‌న్‌…!
‘సైరా’ చిత్రం తర్వాత చిరంజీవి తన తదుపరి చిత్రాన్ని కొరటాల శివ దర్శకత్వంలో చేయనున్న సంగతి తెలిసిందే. మరి అప్పుడే ఎడ‌తెరుపు లేకుండా ఈ ప్రాజక్టుకు సంబంధించిన ప్రీ ప్రొడక్షన్ పనులు ప్రస్తుతం జోరుగా సాగుతున్నాయి. ఈ చిత్రం కోసం ప్రముఖ బాలీవుడ్ కాస్ట్యూమ్ డిజైనర్ ను తీసుకున్నట్టు సమాచారం. ప్రస్తుతం కాస్ట్యూమ్స్ ఎంపిక చేస్తున్నారట. చిరంజీవి విశ్రాంతి లేకుండా అప్పుడే మ‌ళ్లీ ఈ చిత్రం కోసం రెడీ అయిపోతున్నారు.
చిరంజీవి అభిమానులు సైరా కోసం ఎంతగా వేచి చూస్తున్నారో ప్రత్యేకంగా చెప్పాల్సిన పనిలేదు. ఆ సినిమా మొదలు పెట్టిన రోజు నుంచి ఇప్పటి వరకు ఎప్పుడెప్పుడు వస్తుందా అని చూస్తున్నారు. రెండేళ్లుగా ఈ చిత్రం సెట్స్‌పైనే ఉంది. క్వాలిటీ పేరుతో సురేందర్ రెడ్డి కూడా సినిమాను చెక్కుతూనే ఉన్నాడు. చివరికి చిరు చేతిలో అప్పుడప్పుడూ కాస్త చివాట్లు కూడా తిన్నాడని వార్తలు వచ్చాయి. అయితే ఏదేమైనా చివరికి చిరు మెప్పు పొందాడు సురేందర్ రెడ్డి. ఈయన తెరకెక్కించిన సన్నివేశాలు కొన్ని చిరుకు బాగా నచ్చేసాయి. సైరా ఔట్ పుట్ చూసి ఫిదా అయిపోతున్నాడు మెగాస్టార్.
తొలితరం స్వాతంత్య్ర సమరయోధుడు ఉయ్యాలవాడ నరసింహారెడ్డి జీవిత చరిత్ర ఆధారంగా తెర‌కెక్కుతున్న ఈ చిత్రం చిరంజీవి డ్రీం ప్రాజెక్ట్ కావడంతో ఆయన తనయుడు రామ్ చిత్రానికి నిర్మాతగా వ్యవహరిస్తున్నారు. కాగా ‘సైరా నరసింహారెడ్డి’ సినిమా ప్రీ రిలీజ్‌ బిజినెస్‌ అద్భుతంగా జరుగుతున్నట్లు తెలుస్తోంది. అమితాబ్‌ బచ్చన్‌, విజయ్‌ సేతుపతి, నయనతార, తమన్నా, అనుష్క, జగపతిబాబు, సుదీప్‌ సౌత్ ఇండియాలోని ఒక్కో లాంగ్వేజ్ నుంచి ఒక్కో స్టార్‌ని తీసుకోవడంతో సినిమాపై హైప్ భారీగా పెరిగిపోయింది. అక్టోబరు 2న ఈ సినిమాను ప్రేక్షకుల ముందుకు తీసుకురావడానికి సన్నాహాలు చేస్తున్నారు. ఈ సినిమాతో చిరంజీవి మరోసారి బాక్సాఫీస్‌పై దండయాత్ర చేస్తాడనటంలో ఎటువంటి సందేహం లేదు.
ఈ సినిమా హక్కులు రికార్డు ధరకు అమ్ముడుపోయినట్లు ఇండస్ట్రీలో టాక్ నడుస్తోంది. మెగా కుటుంబానికి మంచి క్రేజ్‌ ఉన్న ఉభయ గోదావరి జిల్లాల్లో ఈ సినిమా హక్కుల్ని రూ.19.6 కోట్లకు కొనుగోలు చేసినట్లు సమాచారం. ఆ జిల్లాల్లో ‘బాహుబలి 2’, ‘సాహో’ సినిమా హక్కులు కూడా ఇంత భారీ మొత్తానికి అమ్ముడు పోలేదని, ‘సైరా’ రికార్డు సృష్టించిందని చెబుతున్నారు. మరి ఈ వార్తల్లో ఎంత మాత్రం నిజం ఉందో తెలియాలంటే మూవీ యూనిట్ స్పందించాల్సిందే.
