డైరెక్ట‌ర్ అవ‌తార‌మెత్తిన రాశీఖ‌న్నా
డైరెక్ట‌ర్ అవ‌తార‌మెత్తిన రాశీఖ‌న్నా
అందాల తార రాశీఖ‌న్నా డైరెక్ట‌ర్ అవ‌తార‌మెత్తింది. యాక్ష‌న్… క‌ట్‌… అంటూ సెట్స్‌లో తెగ సంద‌డి చేస్తోంది. అయితే… ఇదంతా నిజ‌జీవితంలో అనుకునేరు. కానే కాదు… ఓ సినిమాలోని పాత్ర కోసం. ఆ వివ‌రాల్లోకి వెళితే… ప్ర‌స్తుతం రాశి మ‌ల్టీస్టార‌ర్ మూవీ `వెంకీమామ`లో న‌టిస్తున్న సంగ‌తి తెలిసిందే. విక్ట‌రీ వెంక‌టేశ్, యువ సామ్రాట్ నాగ‌చైత‌న్య క‌థానాయ‌కులుగా న‌టిస్తున్న ఈ క్రేజీ ప్రాజెక్ట్‌లో వెంకీకి జోడీగా పాయ‌ల్ న‌టిస్తుండ‌గా… చైతూకి జంట‌గా రాశి న‌టిస్తోంది. ఈ సినిమాలోని పాత్ర కోస‌మే రాశి డైరెక్ట‌ర్‌గా ట‌ర్న్ అయ్యింద‌ట. ఆత్మాభిమానం మెండుగా ఉన్న ఈ ఫిల్మ్ మేక‌ర్ పాత్ర‌లో రాశి లుక్ చాలా కొత్త‌గా ఉంటుంద‌ని స‌మాచారం. కె.య‌స్‌.ర‌వీంద్ర (బాబీ) ద‌ర్శ‌క‌త్వం వ‌హిస్తున్న `వెంకీమామ`… విజ‌యద‌శ‌మి కానుక‌గా ప్రేక్ష‌కుల ముందుకు రానుంది.
