జోరు మీదున్న `వెంకీ మామ`
జోరు మీదున్న `వెంకీ మామ`
రియ‌ల్ లైఫ్‌లో మేన‌మామ, మేన‌ల్లుడు అయిన విక్ట‌రీ వెంక‌టేశ్‌, యువ సామ్రాట్ నాగ‌చైత‌న్య… రీల్ లైఫ్‌లోనూ అవే పాత్ర‌ల్లో న‌టిస్తున్న సినిమా `వెంకీ మామ`. `ప‌వ‌ర్‌`, `స‌ర్దార్‌`, `జై ల‌వ కుశ` చిత్రాల ద‌ర్శ‌కుడు కె.య‌స్‌.ర‌వీంద్ (బాబీ) రూపొందిస్తున్న ఈ సినిమాని డి.సురేశ్ బాబు, టీజీ విశ్వ‌ప్ర‌సాద్ సంయుక్తంగా నిర్మిస్తున్నారు. మెరుపు వేగంతో చిత్రీక‌ర‌ణ జ‌రుపుకుంటున్న ఈ క్రేజీ మల్టీస్టారర్… తుది ద‌శ‌కు చేరుకుంది. తాజా స‌మాచారం ప్ర‌కారం… ప్యాచ్ వ‌ర్క్ మిన‌హా ఈ చిత్రానికి సంబంధించిన టాకీ పార్ట్ మొత్తం పూర్త‌యింద‌ని తెలిసింది. త్వ‌ర‌లోనే ఆ వ‌ర్క్‌ని కూడా పూర్తిచేసి… పాట‌ల‌పై దృష్టి పెట్ట‌నున్నార‌ని స‌మాచారం. అలాగే, విజ‌య‌ద‌శ‌మి కానుక‌గా ఈ సినిమాని ప్రేక్ష‌కుల ముందుకు తీసుకురానున్నార‌ని వార్తలు వినిపిస్తున్నాయి.
వెంకీకి జోడీగా పాయ‌ల్ రాజ్‌పుత్‌, చైతూకి జోడీగా రాశీఖ‌న్నా న‌టిస్తున్న ఈ సినిమాకి త‌మ‌న్ బాణీలు అందిస్తున్నాడు. `ఎఫ్ 2` త‌రువాత వెంకీ… `మ‌జిలీ` త‌రువాత చైతూ న‌టిస్తున్న చిత్రం కావ‌డంతో `వెంకీ మామ`పై భారీ అంచ‌నాలే ఉన్నాయి. మ‌రి… ఆ అంచ‌నాల‌ను అందుకునేలా ఈ మల్టీస్టారర్ ఉంటుందేమో చూద్దాం.
