ఇస్మార్ట్ శంకర్’కు సీక్వెల్ వ‌స్తుంద‌ట
డాషింగ్ డైరెక్టర్ పూరీ జగన్నాథ్, ఎన‌ర్జిటిక్ స్టార్‌ రామ్ ఫ‌స్ట్ కాంబినేషన్‌లో తెర‌కెక్కిన చిత్రం ‘ఇస్మార్ట్ శంకర్’. గురువారం (జులై 18) థియేటర్లలోకి వచ్చిన ఈ మాస్ ఎంట‌ర్‌టైన‌ర్… ఫ‌స్ట్ షో నుంచే పాజిటివ్ టాక్ తెచ్చుకుంది. ‘టెంప‌ర్‌’ తర్వాత స‌రైన హిట్ లేని పూరి… మాస్ హీరోగా రాణించాల‌ని చాన్నాళ్ళుగా వేచిచూస్తున్న రామ్‌కి… ‘ఇస్మార్ట్ శంకర్’ మాంచి మాస్ హిట్‌నే అందించిందనే చెప్పొచ్చు.
ఇదిలా ఉంటే… ‘ఇస్మార్ట్ శంకర్’ విడుదలకు ముందు నుంచే ఈ చిత్ర విజయంపై ధీమాగా ఉన్న పూరి… ఇప్పుడు ఈ సినిమాకి వ‌స్తున్న రెస్పాన్స్ చూసి త్వ‌ర‌లో ఈ సినిమాకి సీక్వెల్ రాబోతున్న‌ట్లు ప్ర‌క‌టించాడు. అంతేకాదు, ఆ సీక్వెల్‌కి ‘డబుల్ ఇస్మార్ట్’ అనే టైటిల్‌ను కూడా రిజిస్టర్ చేయించినట్టు పేర్కొన్నాడు. కాగా… ‘డబుల్ ఇస్మార్ట్’ ఈ ఏడాది చివర్లో గాని, వచ్చే ఏడాది ఆరంభంలో గాని సెట్స్ పైకి తీసుకువెళ్ళే సూచ‌న‌లు క‌నిపిస్తున్నాయి.
