KCR and his family Kolhapur on Shri Ambabai Mahalakshmi Amma Tempul

అష్టాదశ శక్తి పీఠాలలో ఒకటైన మహారాష్ట్ర కొల్హాపూర్‌ లోని శ్రీ అంబాబాయి మహాలక్ష్మీ అమ్మవారి దర్శనార్ధం ముఖ్యమంత్రి కె.చంద్రశేఖర్ రావు కుటుంబ సమేతంగా గురువారం ఉదయం కొల్హాపూర్ బయలుదేరి వెళ్లారు. కొల్హాపూర్ లోని శ్రీ అంబాబాయి మహాలక్ష్మీ ఆలయానికి చేరుకోగా, అర్చకులు ఆలయ మర్యాదలతో స్వాగతం పలికారు. శ్రీ అంబాబాయి మహాలక్ష్మి అలంకార పూజలో సీఎం కేసీఆర్, వారి కుటుంబ సభ్యులు పాల్గొన్నారు. మహాలక్ష్మీ అమ్మవారికి ప్రత్యేక పూజలు చేశారు. సీఎం కేసీఆర్ దంపతులతో పాటు రాజ్యసభ సభ్యులు జోగినపల్లి సంతోష్ కుమార్ , నమస్తే తెలంగాణ ఎండీ దీవకొండ దామోదర్ రావు , టి.ఆర్.ఎస్. ప్రధాన కార్యదర్శి రావుల శ్రవణ్ కుమార్ తదితరులు ఉన్నారు